ಸಣ್ಣ ಒಂದು ತಪ್ಪು
ಪೂಜೆ ನಿಲ್ಲಿಸಿದ್ದೇನೆ...
ಎಲ್ಲೋ ಹಾರಿ ಹೋಗುತ್ತಿರುವ
ಮಿಂಚು ಹುಳಗಳನ್ನು ಹುಡುಕಿ
ನನ್ನ ಕೈಯೊಳಗೆ ತುಂಬಿಸತೊಡಗಿದೆ...
ಹತಾಶನಾದೆ
ಪಶ್ತಾಪದ ಬೋರ್ಗಡಲಿನಲ್ಲಿ
ಮತ್ತೆ ದಡ ಸೇರುತಿದ್ದೇನೆ...
ಮತ್ತೆ ಪರಿಭ್ರಾಂತನಾಗುತ್ತಿದ್ದೇನೆ..
ಅರ್ಥವಿಲ್ಲದ ಅನರ್ಥತೆಯ ನಡುವೆ
ಮಡುಗಟ್ಟಿದ ಸಾಲು ನೋವುಗಳು
ಸಣ್ಣ ಒಂದು ತಪ್ಪು ಅಷ್ಟೆ!
ಕಗ್ಗತ್ತಲಲ್ಲಿ ಬೆಕ್ಕು ಕಣ್ಣುಗಳ ಹೊರಳಾಟ
ಆಕಾಶ ಕಪ್ಪು
ನೀರವ ರಾತ್ರಿ
ಮಡುಗಟ್ಟಿದ ಮೌನ
ಕಂಡದ್ದೆಲ್ಲಾ ಕನಸು
ಕೊನೆಯಿಲ್ಲದ ಕಥೆಗಳಿಗೆಂದೂ
ಪೂರ್ಣವಿರಾಮವಿರಲಿಲ್ಲ
ನನಗೂ...............
ಹರ್ಷಾದ್ ವರ್ಕಾಡಿ
